📙 સૌરાષ્ટ્રની રસધાર ✍🏻 શ્રી ઝવેરચંદ મેઘાણી

 *ભાઈ*

સૌરાષ્ટ્રની રસધાર

શ્રી ઝવેરચંદ મેઘાણી

ખામભા ગામની એ આયરાણી હતી.તેને માથે વસમી વેળા આવી પડી.આયર મરી ગયો ને દેશમાં દુકાળ પડ્યો.છોકરાઓ રાબ વિના રડીયામન કરે.મનમાં ભાઈની ઓથ રહી હતી.પાડોશીને વિનવણી કરી " બે દિવસ મારા ગભરૂડાને ટીપું ટીપું રાબ પાજો હું મારા ભાઈને ઘરે આંટો દઈ આવું."

મતીયાળા ગામમાં સગો ભાઈ રિયે પણ કળજુંગે ઘેરી લીધો હતો બેન ને જોઈ કઈ લેવા આવી હશે જાણી ઘરમાં જઇ પાછળથી પલાયન કર્યું

ભાઈને જતા જોઈ તેના પગ ભારે થઈ ગયા ભાભીએ " આવો " એટલું પણ ન કહ્યું

પૂછતાં જણાવ્યું તમારા ભાઈ કાલ્યું ના બહાર ગામ ગયા છે

નિસાસો નાખી જમ્યા વગર પાછી વળી ગામને પાદર જોગડો રહે તે બેનને નાની હતી ત્યારથી ઓળખતો

કા બાપ આમ રોતી કયા જાછ

જોગડાભાઈ મારે માથે આભ તૂટ્યું વિગત જણાવી

અરે મારી બેન હુંય તારો ભાઈ જ છું ને ઘરે લઈ જઈ એક કલશી જુવારનું ગાડું ભર્યું રોકડી ખર્ચી આપી ને પોતાના દીકરાને કહ્યું

" બેટા,ફુઈને લઈને ખામભે મૂકી આવ.અને આ દાણા ફુઈને ઘરે ઉતારી મેલજે "

છોકરો ગયા પછી જોગડાની પત્ની બોલ્યા " ભગત છોકરો જો તમારાજ લોહીનો હશે તો ગાડું ને બળદ એની ફુઈને આપી ને આવશે અને જો મારી જાતમાં કઈ ફેરફાર હશે તો ગાડું ને બળદ વળતા પાછા લાવશે "

જોગડો કહે " એ તો છોકરું એ આ વાતમાં શુ સમજે એ તો મોટેરા કહે એમ જ કરે ને "

પત્ની બોલ્યા " ભગત જો શીખવવું પડે કે કહેવું પડે તો પછી નવ મહિના મેં ભાર વેંઢાર્યો તેનું માતમ શુ ?"

બીજે દિ દીકરો એકલી રાસ ઉલાળતો ઉલાળતો ઘરે આવ્યો બાપે પૂછ્યું " બેટા, ગાડું બળદ ક્યાં ? "

તે દિ દીકરાએ જવાબ દીધો " બાપા,તમે એના ભાઈ થઈને કાપડું દીધું અને હું ફુઈને ફુયારું ન આપી આવું ? "

તેદી મા બોલી " રંગ છે બેટા,હવે ભગતનો દીકરો હાચો ! "

ગાથા ટૂંકાવી ટાઈપિંગ

શ્રી રમેશ સોલંકીના